Qendra
Kombetare e Muzeumeve Berat - Edukimi
Projekt
- Ide për reformimin e degës së arteve pamore
në Shkollën e Mesme Artistike “Ajet Xhindole”
Drejtuar:
Drejtorisë Arsimore Rajonale Berat
Vlerat e mëdha të artit dhe kulturës që
ka qyteti i Beratit, por edhe momenti më i rëndësishëm
i praglistimit të Beratit në trazhgiminë kulturore
botërore, në UNESKO, kërkojnë ndryshime
dhe reforma në disa institucione të rëndësishëm,
dhe përshtatje me kërkesat e kohës për të
kapur ritmin që kërkon sistemi demokratik. Një
nga institucionet më të rëndësishëm
të arsimit dhe kulturës të qytetit të Beratit
është Shkolla e Mesme Artistike “Ajet Xhindole”.
Kjo shkollë që prej krijimit të saj në vitin
1981 ka përgatitur disa breza artistësh që i
përkasin fushës së arteve pamore. Deri në
vitin 1990 ka qënë konform politikave të sistemit
komunist. Por me rënien e sistemit, kësaj shkolle
iu hoq vetëm pjesa ideologjike e programeve, vazhdohet
me të njëjtin ritëm. Po ai organizim i mëparshëm.
Qëllimi që arrihet në ditët e sotme është
po i njëjti, masivizimi i artit. Pra në sistemin demokratik
ku vepron një sistem tjetër organizimi kulturor, punohet
me metodat e të shkuarës. Mjafton të përmëndim
vetëm një fakt: Specialiteti i Tekstilit që ju
mësohet nxënësve iu merr atyre plot 18 orë
mësimi në një javë, kur dihet që kombinati
i tekstileve “Mao Ce Dun” ka plot 15 vjet që
ka falimentuar . Specialiteti i Tekstilit është pjesë
e rëndësishme e arteve pamore por në Berat nuk
ka për tu ringjallur më. E solla këtë fakt
për të ilustruar idenë time për një
organizim të ri të Shkollës së Mesme Artistike,
që most ë kemi shkollë për shkollë,
por të kemi shkollë për dije. Në programin
mësimor të kësaj shkolle, vetëm pjesa profesionale,
për nga sasia e orëve zë një vend mjaft
të rëndësishëm. Të katër vitet
relizojnë plot 170 orë mësimi professional. Sasi
e cila për mendimin tim është e domosdoshme për
të realizuar idenë time.
Shkolla e Mesme Artistike “Ajet Xhindole”Berat dhe
konkretisht Dega e Arteve Figurative duhet të vazhdojnë
si qëllim kryesor përgatitjen e artistëve të
rinj duke iu mësuar bazat themelore të Arteve Pamore,
por njëkohësisht nxënësit që mbarojnë
këtë shkollë duhet të dalin të përgatitur
për tregun e punës. Jo të gjithë që
mbarojnë një shkollë të mesme arti dalin
artiste. Pjesa që nuk i ka mundësitë dhe talentin
e duhur për tju përkushtuar artit të mirfilltë
fare mire mund të bëhen profesionist të aftë
në fushat e mëposhtme:
1.RESTAURIM
2.IKONOGRAFI
3.GDHENDJE DRURI
4.GDHENDJE DRURI
5.RRAFJE HEKURI
6.QERAMIKE
Kjo do ti japë mundësi nxënësve dhe qytetit
të Beratit :
1.Mbas mbarimit të shkollës së mesme nzënësit
të jenë të aftë për tregun e punës
aq të muguar në Berat e në të gjithë
Shqipërinë, për profesionet e traditës.
2.Do të bëhet e mundur vazhdimesia e traditës
për fushat e mësipërme.
3. Shkolla e Artit do të mund të bëhet një
qëndër e rëndësishne për përgatitjen
e brezave të artistëve dhe specialistëve të
fushave të mësipërme, pasi vetë qyteti ta
jep këtë mudësi
4.Në perspektive të kthehet në shkollë kombëtare
për përgatitjen e specialistëve në këto
fusha.
Vetëm kjo ndërhyrje mund të shpëtojë
këtë shkollë nga destinacioni i mbylljes që
ka marrë për vite me radhë, jo nga shteti por
nga mos preference e nxënësve për të ndjekur
një shkollë që i lë në mes të
rrugës dhe nuk janë të aftë për kërkesat
e sistemit që kemi hyrë.
Përse duhen hapur këto specialitete?
Qyteti i Beratit është një nga qytetet që
përsa i përket specialistëve të fushës
së restaurimeve, ikonografisë, drurit, gurit, hekurit
ka pasur gjithmonë mangësi të theksuara. Brezi
i mjeshtrave të traditës është në shuarje
e sipër. Kushtet aktuale të qytetit të Beratit,
drejt futjes në UNESKO e kanë bërë më
të domosdoshme ruajtjen dhe restaurimin e vlerave, por
që të bëhet kjo duhen specialistë të
kualifikuar.
Eshtë e nevojshme që të përmënd disa
vlera të qytetit të Beratit siç janë tavanet
e gdhëndur, portikët dhe kollonat e gurta, kangjellat,
objektet e shumtë të qeramikës, ikonat e shumta
familjare të cilat kërkojnë ndërhyrjen e
dorës së specializuar. Këtë mund ta bëjë
të mundur vetëm reformimi i Shkollës së
Mesme Artistike të Beratit.
A ka potenciale kjo shkollë dhe qyteti Beratit që
të realizojë këtë reformim?
Unë mendoj se mësuesit e kualifikuar dhe specialitë
të këtyre fushave për të realizuar këtë
reformë janë. Ajo që ne nuk kemi mundësi
është, mosmbulimi i kërkesave të tregut
të punës së specializuar në këto fusha,
si dhe mundësia e zhdukjes së këtyre profesioneve.
Vetë një reformë e tillë do ti jape mundësi
ruajtjes së vlerave dhe vazhdimësisë së
trazhgimisë.
DREJTORI
KASTRIOT DERVISHI
|
